الموضوع: روايه يا دنيا لا تسكبي الدمعة على خد حساس

تبتسم ايا
ويدخل اكيرا عندها و يساعدها في حط الفطور على السفره.
آيا تأشر لأكيرا على الكرسي : تفضل . ^^
اكيرا : شكرا
يبدأون بالأكل
اكيرا يذوق الاكل . وآيا تشوفه
اكيرا باستفهام: ورا ما تاكلين
ايا تتدارك نفسها: آه لا بآكل . لكن الطعم زين
اكيرا : حلو مره
آيا : صدق . والا تبالغ
اكيرا : والله صادق . يله بسرعة كلي . انا لازم اروح للمدرسة
آيا : طيب
مدت يدها بتاكل شوي فجأه تمسك راسها وتغمض عيونها .
اكيرا مرتاع: آيا فيك شيء
آيا بأنفاس سريعه : لا شوية دوخة
وتقوم وتتجه للجلسه اللي في الصاله
اكيرا بخوف يلحقها : خليني اشوف
ويقرب من عندها .
آيا برجفه: ما فيني شيء صدقني
اكيرا بإصرار: طيب بتأكد
ويقرّب اكيرا راسه من راس آيا عشان يقيس درجة حرارتها
آيا في نفسها : اكيرا لا تقرب اكثر احس قلبي تسرع نبضاته .
ويبعد اكيرا عنها : حرارتك مرتفعـــ
فجأه تفقد ايا وعيها وتطيح على صدره .
اكيرا يضمها قبل لاتطيح على الأرض و هو مرتاع : آيا أيا ردي آيا
ويهزها وما تتحرك .
اكيرا و هو يرتجف من الخوف: آيا آيا
يشيلها و يسدحها على الكنبة .
يفتح الجوال بيدين ترتجف ويدق على طبيبه الخاص : الوه . الو
الطبيب : الو
اكيرا يتكلم بسرعه: مرحبا انا تعبان وابيك تجي بسرعه.
الطبيب : طيب طيب انت في البيت
اكيرا : لا انا في شارع ويعلمه اسم الشارع اللي قدام بيت آيا .بسرعه لاتتأخر
سكر الخط
توجه لآيا و شالها وودها لغرفتها و نومها على سريرها نزل تحت و طلع في الشارع تحت تساقط الثلج وفي البرد ينتظر الطبيب يجي
بعد دقائق و صل الطبيب و شاف اكيرا واقف ينتظر
الطبيب : ليش انت هنا وانت مريض
اكيرا يستعجله: مو هذا وقته عجل و تعال معي بسرعه
الطبيب : طيب طيب بس وين
اكيرا يمسك يد الطبيب و يسحبه: تعال معي داخل
وصل الطبيب لحد باب غرفة آيا

ويدّخل اكيرا الطبيب على آيا
اكيرا باستعجال: هذي زميلتي في المدرسه وصلتها لبيتها واغمي عليها . ابيك تداويها زي ما تداويني
الطبيب بتفهم: اكيد .
ويكشف الطبيب على آيا ويشوف انها مصابه بحمى شديده .
بعد ثواني طلع الطبيب
اكيرا برا رايح جاي قلقان لما شاف الطبيب وقف : هاه شلونها
الطبيب : هذي وين اهلها عنها
اكيرا : ليه وش فيها
الطبيب : هي مصابه ببرد والحين صارت حمى شديده .
اكيرا : طيب وش بتسوي
الطبيب : لازم نوديها للمستشفى بأسرع و قت ممكن .
اكيرا مايدري وش يسوي: طيب واهلها اقصد وش اقول لهم
الطبيب : قول انها جتها نزلت برد فوديتها المستشفى .
اكيرا : طيب طيب عجل خلنا نوديها .
الطبيب يتصل على المستشفى يعلمهم ان فيه حالة طواري راح تجي بعد شوي. واكيرا يتصل على ام آيا ويعلمها .
الطبيب يحمل آيا و ينزل و يركبها ورى و يركب معها اكيرا بعدها انطلقت السياره متوجه للمستشفى
في الطريق دق اكيرا على المربي حقه : الو
المربي : هلا سيدي
اكيرا : اسمع انا طلعت من المدرسه لحاجه ضروريه في حال دقت المدرسه عليك قول لهم انك اخذتني لشيء مهم واني ماراح ارجع للمدرسه
المربي : حاضر سيدي
( ملاحظه : اكيرا حاط ولي امره المربي حقه عشان ياخذ راحته )
في المدرسة :.
صفرت الحصة الاولى اتجهت
الطبيبه لفصل آيا و اكيرا بتتأكد ان اكيرا رجع لكن شافت انه ما رجع . فأضطرت تبلغ المدير وتعلمه .
يدق المدير على ولي امره : الوه
ولي الامر : الوه
المدير : السلام عليكم
ولي الامر : وعليكم السلام
المدير يعلمه السالفه المربي طبعا قال نفس اللي قاله اكيرا وانتهت المكالمة .
بعد مرور الوقت جت الفسحه في فصل صديقات آيا .
يونا تشيل اغراضها من على الطاوله: غريبه آيا اليوم ما سيرت علينا و لا شي
راي بمزح: انتي صادقه بس تلاقينها راحت تدور بوكها ضايع مثل هذاك اليوم .
في هالحظه جاء توما : راي تعالي شوي .
راي تلتفت للباب مستغربه مجيء توما المفاجئ طلعت له : هلا

تناظره بتفحص : لش وجهك كذا صاير شي
توما مايدري اش يقول : آيا اليوم غايبة لانها مريضة وهي الحين في المستشفى
راي بصوت عالي : نعم وش فيها ؟
توما : اخفضي صوتك . ما فيها شيء خطير دخلها برد وارتفعت حرارتها
راي و عيونها مليانه دموع تذكر كلامها تو عن آيا : يابعد عمري يا آيا
توما : خير بتصيحين تراها ما ماتت . وبعدين علمي يونا لكن لا تروعينها .
تروح راي وتوما ليونا ويعلمونها بهدوء .
يونا تحط يدها على فمها تكتم شهقتها: ياقلبي عليك يا آيا
راي و يونا بصوت واحد اي مستشفى
توما : الحين اتصل على اكيرا اسأل عنه عشان نروحلها آخر الدوام
راي : اكيرا معها
توما : ايه هو اللي موديها اصلا . خلاص اكيرا رد
سأل عن صحة آيا و اخذ اسم المستشفى .
في المستشفى :.
دخلت ام آيا للمستشفى و شافت اكيرا قدامها واقف عند الاستقبال اتجهت له.
الام بضيقه : شلون آيا
اكيرا يهون عليها : ما فيها شيء خطير . اغماء بسبب ارتفاع درجة الحرارة والطبيب يقول يمكن تقوم بكره .
الام مأنبها ضميرها : كله بسببي هذي غلطي انا .
اكيرا يمسكها ويجلسها على اقرب كرسي : هدي نفسك . وعادي الحمى دائما تجي في فصل الشتاء يعني شيء معروف . وان شاء الله بتقوم بالسلامة
الام بعيون مليانه دموع : مشكور انك جبتها للمستشفى ما قصرت معنا تقدر تروح ترتاح انا خلاص جيت يكفي كلفنا عليك وتعبناك روح لبيتك انت اكيد تعبت من الصباح وانت معها .
اكيرا : لا عادي وآيا زميلتي واي واحد بمكاني راح يسوي نفس اللي سويته
يوقف : انا الحين استأذن اتركك تتطمنين على بنتك مع السلامة
الام توقف تودعه : مع السلامة
تدخل الام عند آيا وتشوفها مغمضه عيونها ولا تدري باللي حولها تقدمت لها ومسحت على شعرها وحبتها على جبهتها وجلست على اقرب كرسي و مسكت يدها .
الام وهي تبكي: آسفه حبيبتي اجبرتك تروحين للمدرسه بدون ما انتبه لك انك مريضة . سامحي امك
راح اكيرا لبيته واول ما شاف السرير طاح بجسمه عليه وراح في سبات عميق وبعد مرور كم ساعه صحى من النوم وعلى طول تحمم وغير وراح للمستشفى.
وبعد انتهاء الدوام المدرسي راحت راي ويونا متجهات لزيارة آيا
في المستشفى:
وصلو البنوتات للمستشفى وسألو عن غرفة ايا واتجهو لها
طقو الباب ودخلو لقو عندها اسرتها .
يونا تسأل الام : شلون حالتها الحين
الام : الحمد لله مستقره ودرجة حرارتها كل ما تنزل .
راي : الله يشفيها عن قريب
الام : آمين .
يونا : نستأذنكم
الام : توكم جايين
راي : احنا جينا نطمن عليها بس لكن لنا جيه ثانية لما تصحى و نجلس عندها
يونا : و بعدين لازم ما نتأخر .
الام متفهمه لكلامهم : شكرا على جيتكم اذنكم معكم
البنات: مع السلامه
الام : مع السلامة
طلعو من الغرفه وقابلو اكيرا وربعه .
راي : جايين كلكم تزورون آيا
اكيرا : ايه
توما : ليه هي موب صديقتنا زي ما تصير صديقتكم

يونا : بتفرح آيا .
اكيرا : هي قايمة
يونا : لا بس لما تقوم
توما : بتروحون
راي : ايه
توما : ليش ما تجلسون معنا شوي . موب زينه لحالنا .
يونا : البنت الحين نايمه راح نجي وقت ثاني لما تصحى
اكيرا : آها طيب اوكي مع السلامة .
توما : لا تروحون خلينا نجلس مع بعض في الكافي بعد ما نطلع . انتظرونا في الكافي
راي : اوكي
ويروحون ينزلون تحت ويدخلون الشباب عند آيا .
اكيرا : السلام عليكم .
الاب : وعليكم السلام
اكيرا : احنا زملاء آيا في الصف وجايين نطمئن عليها .
الاب : هلا بكم .
جلسو شوي يتكلمون وطلعو .
الام لحقتهم توصلهم وزياده تبغى تلحق على اكيرا
بعد ما ودعتهم قالت موجهه الكلام لاكيرا : لو سمحت
اكيرا : نعم
الام : ممكن اكلمك شوي .
اكيرا : طيب . شباب اسبقوني .
مورا : اوكي
الام : عفوا لكن ممكن تذكرني باسمك .
اكيرا : اسمي اكيرا
الام : بغيت اسألك هو لازم تقعد آيا في هذا المستشفى
اكيرا : ووش المانع . احسن لها
الام : اقصد ما ينفع ترجع البيت وانا
اكيرا : ما ادري . لكن بأسأل الطبيب
الام : طيب اذا كان لازم تجلس في المستشفى . قول له عادي نوديها مستشفى ثاني
اكيرا : وليش مستشفى ثاني . هذا المستشفى ممتاز وانا دائما اجي له .
الام : آه قول له وخلاص .
اكيرا : اللي تبينه
الام : شكرا .ورجعت للغرفه
توجه اكيرا للطبيب
طق الباب وبعد الاستأذان دخل.
الطبيب يوقف ويسلم على كيرا : هلا اكيرا اي خدمه
اكيرا : بأسألك المريضة آيا اللي بالغرفه رقم 207 عادي ترجع للبيت ولا لازم تجلس هنا
الطبيب : افضل انها تجلس .
اكيرا : طيب هل بالامكان يودونها مستشفى ثاني
الطبيب بتعجب : اكيرا اول مره تسألني هالاسئلة .
اكيرا : ممكن جاوبني
الطبيب بتفكير : انا افضل انها تجلس عندنا خصوصا ان فيه طبيب مختص يشرف على هذي الحالات .
اكيرا : طيب كم يلزمها من يوم .
الطبيب : يومين
اكيرا : آها .
الطبيب : بغيت اسألك . وش في يدك
اكيرا : رضوض
الطبيب : من متى
اكيرا : امممم من يومين اليوم الثالث .
الطبيب : وليش ما علمتني . مو انا طبيبك
اكيرا : ما يستاهل اني اقوله لك . خلاص داواني واحد غيرك .
الطبيب : حتى ولو علمني على الاقل .
اكيرا : اوكي . يالله انا طالع
الطبيب : تفضل
اكيرا قبل لا يطلع تذكر : اسمع
الطبيب : هلا
اكيرا : المستشفى هذا غالي صح
الطبيب : ليه تسأل
اكيرا : لا ما في شيء .
بعد دقايق اتجه اكيرا لغرفة آيا . وقف عند الباب
اكيرا في نفسه : اللي سويته صح ولا غلط . ما يهم . يكفي اني مقتنع انه صح
ويطق الباب تطلع الام .

الام : سألته
اكيرا : ايه
الام : قول لي
اكيرا : هو يقول انه مو زين عليها ترجع للبيت و
الام : طيب اننا نغير المستشفى
اكيرا : يقول انه يفضل هذا المستشفى لان فيه طبيب مختص وزين شغله .
الام : آآه كذا . طيب شكرا
اكيرا : و ترا آيا بتجلس يومين هنا
الام : ليه مو قايل انها بتطلع بكره .
اكيرا : لا بتجلس يومين
الام : آه شكرا اكيرا .
وتدخل الام ويروح اكيرا تحت عند الكافي .
توما : وراك تأخرت
اكيرا : شوية كلام
يونا : وش كانت تبي منك
اكيرا : مو كلام مهم مره . المهم ليش ما طلبتو لي شيء
بعد ما شربو الكوفي تفرقو وكل واحد راح لبيته
توما يمشيء مع اكيرا
توما : وش قاعد تفكر فيه
اكيرا : ما افكر بشيء
توما : انا اكثر واحد اعرفك . قولي وش قاعد تفكر فيه .
اكيرا : ولا شيء
توما : طيب على راحتك . بغيت اقولك .
اكيرا : وشو
توما : انت ليش وديتا ايا لذاك المستشفى
اكيرا : وش فيه ؟
توما : المستشفى حق ناس من طبقه عالية مو من طبقتنا .
اكيرا : آآه
توما : تتوقع كم بيكلف عائلة آيا عشان بس حمى
اكيرا : آه عارف .
توما : اجل بما انك عارف ليه وديتها له
اكيرا : كنت ناسي نفسي وحبيت اوديها عند احد اعرفه
توما : لكنك غلطت
اكيرا : عارف عشان كذا افكر .
توما : يعني كنت تفكر في هذا
اكيرا : ايه .
ويوقف اكيرا ويلتفت على توما .
اكيرا : بس تعرف سويت شيء
توما : وش سويت . ؟
اكيرا : آيا بتجلس في المستشفى ليلتين .
توما : ايوه
اكيرا : دفعت ثلاث ارباع المبلغ
توما : شلون يعني بقى ربع المبلغ على عائلة آيا ؟
اكيرا : ايه والليله الثالثه دفعت عنها . اللي سويته صح ولا غلط . علمني
توما : ما ادري وش اقولك . لكن هو غلط وصح في نفس الوقت
اكيرا : شلون ؟!

توما : بيدرون اهلها انك انت اللي سويت كذا .
اكيرا : لا ماراح يدرون
توما : شلون ما يدرون
اكيرا : قلت للمحاسب انه يطلب منهم بس الربع وكذا بيحسبون ان بس هذا المبلغ .
توما : مع اني احس ان هذا مستحيل لكن ما ادري عنك .
اكيرا : انا مقتنع انها حركه زينه
توما : امممم نشوف . اتمنى يمشي كل شيء تمام .
اكيرا : ان شاء الله
توما : طيب انا عندي شغل بأروح . بس لا تفكر اكثر اوكي
اكيرا : اوكي . مع السلامة
ويروح اكيرا للبيت يدق تلفونه
يمسك التلفون
اكيرا : الوه
المتصل : الوه
اكيرا : ابوي
الاب : ابيك تجي عندي
اكيرا : وين
الاب : في الشركة
اكيرا : طيب
ويسكر السماعه
اكيرا : وش تبي بعد . ما صدقت اعيش لحالي في بيت عشان ارتاح .
ويروح اكيرا ياخذ دش , يلبس لبس رسمي , يكد شعره , ويتعطر
ويحول يركب السياره ويروح للشركة .
يدخل الشركة ويرقى لمكتب ابوه .
اكيرا : السلام عليكم
السكرتير : وعليكم السلام . المدير ينتظرك تفضل
اكيرا : شكرا
السكرتير يطق الباب : سيدي جاء السيد اكيرا

ويدخل اكيرا
اكيرا : وش بغيت مني
الاب : الناس يسلمون
اكيرا : السلام عليكم
الاب : وعليكم السلام اقعد
اكيرا يقعد على الكرسي .
اكيرا : بغيتني بشيء
الاب : اول شيء ابيك تزور امك ولا تتركها . اشوفك من سكنت هالبيت حتى اتصال ما اتصلت
اكيرا : كنت مشغول
الاب : بايش اللي يسمع كلامك يقول الولد يشتغل بالشركه كله كلام فاضي بس لعب
اكيرا : اشتغل بدراستي وحياتي الشخصية
الاب : اسمع شيء ثاني اخوك زواجه الاسبوع الجاي .
اكيرا : مبروك
الاب : ابيك تروح وتبارك له ولأمك . لما تروح من عندي روح للبيت وبارك له .
اكيرا : طيب
الاب : وابيك تجي تتعلم شغل الشركة ولا كل شيء على اخوك الكبير .
اكيرا : نيزو " اسم الاخ الاكبر " يفهم في الشركة اكثر مني
الاب : طيب تعال وصير مثله
اكيرا : انا ما احب التجاره ولا احب الشغل في الشركة
الاب : لكن مصيرك تمسك مكاني يوم من الايام .
اكيرا : قلت لك ما ابي اشتغل في هالشركة . انا ابي اشتغل في الشيء اللي احبة
الاب : وش اللي تبي تشتغله هاه
اكيرا : وقتها بأعرف
الاب : انت مالك غير مهنه ابوك واخوك .
اكيرا : قلت لك اللي عندي
الاب : وتراني سجلتك في جامعة التجارة في بريطانيا
اكيرا : وانا ما ابي اسافر لدوله ثانية عشان ادرس انا بأدرس في الجامعات اليابانية .
الاب : انتهى اللي بينا ونتكلم في هالموضوع بوقت ثاني لاني مشغول . اسمع تطلع من عندي تروح لامك وتبارك لهم
اكيرا : طيب
الاب : تقدر تنصرف
ويطلع اكيرا مرتفع ضغطه . يطلع للشارع ويركب السيارة يحط راسه على الدركسون
اكيرا : افففففففففف كل شيء اجباري . ليش مالي حرية شخصية .
ويروح اكيرا لبيت اهله يدخل وتقابله خدامه
اكيرا : وين امي
الخادمة : في الصاله .
اكيرا : فيه اخوي
الخادمة : بيجي بعد شوي
اكيرا : شكرا تقدرين تروحين لشغلك
ويروح اكيرا ويدخل على امه
الام : اكيرا . وينك يا حبيبي ليه ما تتصل على امك .
اكيرا : آسف يمه بس كنت مشغول
الام : كذا تسوي في امك على الاقل اتصل وريح قلبي .
اكيرا : اللي تبينه بيصير مبروك خطوبة نيزو
الام : زين عرفت . طيب باركت له
اكيرا : لا بأبارك له لما يجي .
الام : شلونك في البيت الجديد . مرتاح

اكيرا : مرتاح كثير
الام : ومدرستك
اكيرا : تمام
الام : ابوك امس كلمني عنك .
اكيرا : وش كان يقول
الام : كان وده تدرس سنتك الاخيره في مدرسة خاصه بدال المدرسة العامة
اكيرا : انا مرتاح في المدرسة العامة
الام : لكنـ
اكيرا : يماه انا افهم وانا كبرت ماني طفل صغير فهمي ابوي وخليه يعطيني الحرية .
الام : ما اقدر انت تعرف ابوك شديد في بعض الامور
اكيرا : لكن انا ما ابي اشتغل في الشركة
الام : ابوك يبغاك تاخذ منصبه . واحنا ما رزقنا الا بأنت واخوك . حبيبي ريح ابوك . ابوك يتعب
اكيرا : لكن
ويدخل عليهم نيزو .
نيزو : السلام عليكم
الام : وعليكم السلام
نيزو وهو يجلس : اوه اكيرا عندنا.
اكيرا: مبروك يا نيزو الخطوبة
نيزو : الله يبارك فيك .
اكيرا : اجل سعيدة الحظ " شيري "
نيزو : اكيد هي البنت اللي اخترتها قبل ما تصير زوجه لي . هذي اللي اخترتها في مدرسة خاصه مو في مدرسه عامه بيصير من المستحيل اختار وحده من العامه .
اكيرا يناظره بتعالي: وانا شاكي لك .
نيزو : لا . لكن لو انك مطيع ابوي وكنت في مدرسة خاصه كان بمقدورك تختار البنت اللي تحبها
لكن الحين ابوي هو اللي بيختار لك بنت
اكيرا بدأ يعصب : استأذن . انا بروح
الام : توك جاي اجلس شوي
اكيرا ماسك اعصابه: يكفي ما جلست .
الام : عيدها
اكيرا : اكيد . مع السلامة
الام ونيزو : مع السلامة .
ويطلع اكيرا وهو مرتفع ضغطه .
اكيرا في نفسه : الله يصبرني
تجي الخادمة الخاصة بالام .
الخادمة : سيد اكيرا
اكيرا : نعم
الخادمة : بغيت اعلمك شيء
اكيرا : قولي

الخادمة : تكفى سيد اكيرا لا تنقطع عن السيده لانها مريضة وتحتاج قربك .
اكيرا : فهمتك . ان شاء الله .
ويطلع اكيرا . ويروح لبيته . يغير ملابسه ويستلقي على السرير . يرن جوال ونغمة غريبة
يمسك الجوال ويشوف انه جوال آيا واللي يتصل يونا .
اكيرا : يوه نسيت اعطي امها جوالها .
ويرد
اكيرا : الوه
يونا : مين
اكيرا : هذا انا اكيرا
يونا : ليش الجوال مو مع اخت آيا " جولي "
اكيرا : لا نسيت اعطيه لامها
يونا : اها
اكيرا : تبغين شيء
يونا : آه يمكن تعرف . اكيرا آيا متى بتطلع من المستشفى .
اكيرا : بعد يومين
يونا : زين .
اكيرا : ليه ؟
يونا : لاني ابغى اطلب من احد في فصل آيا عشان انقل لها الدروس
اكيرا : وانا وين رحت
يونا : هاه
اكيرا : خلاص انا بأعطيك دفاتري وملخصاتي واكتبيها لآيا
يونا : شكرا اكيرا
اكيرا : اسمعي انا وآيا نعتبر اليوم غايبين عشان كذا خذيها من بكره .
يونا : اكيد . مع السلامة
اكيرا : مع السلامة
ويسكر السماعة .
اكيرا : يا الله بس الوقت مو زين اروح لأهل آيا . اعطيهم آياه بكره بعد المدرسة .
وينتهي اليوم على كذا ثم يروح ينوم .

أحداث الفصل الثالث ::الجزء الاول :
اكيرا : الحين انتي ليش دقيتي علي . ليش ما دقيتي على ابوك ولا امك ولا احد ثاني
آيا منحرجة : ما ادري . لكن يمكن لانك آخر واحد شفته
الجزء الثاني :اكيرا : امممم يوه هذي السالفة مرة قديمة .
آيا : بس ودي اعرفها .
الجزء الثالث :الام : في زواج اخوك بيحضر الكل وابوك خلى الحفلة الليلية تختار فيها رفيقه لك .
اكيرا : شلون ؟!
الجزء الرابع :راي : انا انهبلت واستخفيت وكل شيء . خلاص
ويقرب توما من راي . ويصفها مع وجهها .