الموضوع: روايه يا دنيا لا تسكبي الدمعة على خد حساس

يدق جوال آيا .
يمسك اكيرا الجوال ويشوف ان المتصل يونا .
اكيرا : الوه
يونا : الوه . الجوال معك ما رجعته لاهل آيا
اكيرا : ما لقيتهم في البيت يمكن عند آيا في المستشفى .
يونا : آه
اكيرا : وش بغيتي .
يونا : هاه ولا شيء
اكيرا : قولي
يونا : كنت ابي " جولي "
اكيرا : انتي ممكن تعلميني من هي جولي
يونا : ما تعرفها
اكيرا : لو اني اعرفها ليش أسألك
يونا : هذي اخت آيا الصغيرة هي مو صغيرة مره عمرها 15 في ثالث متوسط
اكيرا : ما قد شفتها
يونا : الا جاية في المستشفى امس . ما شفتها
اكيرا : لا . بس وش تبين منها
يونا : الصراحة ابيها تساعدني في كتابة الملخصات والواجبات
اكيرا : ليش ما قلتيلي اكتب لآيا في حصص الفراغ
يونا : ما ادري . توقعت انك بتعيــ
اكيرا : انتي وينك بأجي اخذ النص .
يونا : انا في البيت لكن بأقابلك في الحديقة
يروح اكيرا لها وياخذ نص الملخصات ويروح للبيت يحطها .
اكيرا : انا وراني كذا من حبي للكتابه كان خليت اخت آيا تساعدها وش دخلني . بأخلي الكتابه بعدين خليني آخذ قيلوله
وينوم اكيرا ونسى يوقت المنبه . نااااااام الى بعد غروب الشمس
فاتح عين ومسكر عين يشوف الساعة .
اكيرا : يوه شلون كذا الساعة 6و نص
ويلتفت على الدريشة . يشوف الدنيا ظلام .
يقمز من السرير .
اكيرا : يا اللــــــــــــــــه !! وش ذا قضى اليوم وانا نايم .
ويقوم يغير ملابس المدرسة . ياخذ دش . يطلع وقدامه الملخصات .
اكيرا : يوووووه نسيتها . ياويلي من يونا مسوي فيها ابا ضاي وانا منب كفو هالحركة .
ويعد اكيرا يكتب ملخصات آيا وواجباتها وبعد واجباته والوقت يمر لين اكيرا معد يشوف .
الساعة 02:56 يدق الجوال .
اكيرا : من هاللي يدق هالوقت .
يمسك الجوال . والرقم غريب
اكيرا : الوه
المتصل : الوه اكيرا
اكيرا : مين
المتصل : وينك اكيرا ليش انا لحالي
اكيرا : من انتي
المتصل : انا آيا .
اكيرا : قمتي ؟!

آيا : وينك انا اخر شيء اتذكره انك تاكل معي الفطور .
اكيرا : وين يا عمتي لك يومين مغمى عليك .
آيا : والله طيب انت وينك
اكيرا : في البيت
آيا : ما تقدر تجي لي
اكيرا : نعم . في هالوقت
آيا : تعال . تكفى
اكيرا : وش فيك . خلاص بكره لما اجي من المدرسة بأجيك .
آيا : انا خايفه ما اقدر انتظر لبكره
اكيرا : وش خايفه منه . بياكلك الجني
آيا خنقتها العبره : تعال .
اكيرا في نفسه : انتي وشلون دقيتي علي . ليش ما دقيتي على امك
اكيرا : اوكي . شوي انا عندك .
آيا تسكر السماعة .
اكيرا : هذي وش مقومها في انصاص الليالي توني فرحان اني خلصت من الملخصات . ابي انوووووم
ويروح يلبس وياخذ معه جوال آيا ويروح للمستشفى .
الاستقبال : آسفين لكن الزياره تبدأ من الساعة 12 الصباح وتنتهي الساعة 8 المساء .
اكيرا يطلع بطاقة الهوية .
الاستقبال : آسفين . تقدر تتفضل .
يروح يوقف قدام الغرفة يفتح الباب شوي شوي . يشوف آيا جالسه وحاطه راسها على رجولها .
اكيرا : آيا
ترفع راسها : اكيرا ؟
اكيرا يروح ويجلس على الكرسي .
اكيرا : وش فيك المستشفى مهوب فاضي ليش خايفة
آيا : انا ما احب اجلس لحالي في ظلام .
اكيرا : هاه اجل شلون تنومين في غرفتك لحالك
آيا : من قال اني لحالي . اهلي كلهم معي في البيت
اكيرا : وهنا نفس الشيء الممرضات والمرضى معك .
آيا : ما ادري ما احس براحة
اكيرا : هذاني جيت . الحين مرتاحة
آيا : انا آسفة . ازعجتك في آخر الليل .
اكيرا : ما عليه .
ويطلع الجوال من جيبه .
اكيرا : خذي هذا جوالك .
آيا : شكرا صار معك
اكيرا : ايه . بس فيه سؤال ممكن
آيا : قول
اكيرا : الحين انتي ليش دقيتي علي . ليش ما دقيتي على ابوك ولا امك ولا احد ثاني
آيا منحرجة : ما ادري . لكن يمكن لانك آخر واحد شفته
اكيرا : ما شاء الله حافضة رقمي
آيا : ايه لانه يشبه مره جوال يونا بس تغيير رقم 7 ونحط بداله رقم 2 .
اكيرا : آها كذا
آيا : اكيرا وشلون جيت انا هنا
اكيرا : اغمى عليك بسبب ارتفاع درجة الحرارة ونقلوك للمستشفى .
آيا : يوه اجل غثيتك .
اكيرا يبتسم : ما غثيتيني . لكن روعتيني .
آيا : اسفة
اكيرا : يكفي اسف . غيري على الاقل الكلمة
آيا تضحك . ويبتسم اكيرا
اكيرا : طيب . اظن اني لازم اروح
آيا : ليه توك جاي .
اكيرا باحراج : وش علاقتي بك عشان اقعد عندك . بكره بـاجي انا والبنات وشلتي .
آيا : اجل محد زارني .
اكيرا : إلا كلنا زرناك وامك كانت جالسه عندك بعد . ويونا ما قصرت معك اخذت كل الملخصات اللي فاتتك وكتبتها لك
آيا : يا حبي لها .
اكيرا : بروح تبين شيء .
آيا : شكرا لك اكيرا .

اكيرا : مع السلامة
ويقوم يطيح من الجوال بدون ما يدري . يروح ويوم وصل للاصان صير . لمس جيبه ما لقى جواله
اكيرا : يوه هذا وين راح . شكله طاح عندها
وصل عند الباب . وقف على صوت صياح فتح الباب شوي شوي وطل . يشوف آيا تصيح . فتح عيونه
اكيرا في نفسه : ليش تصيح
يطلع ويجيب معه سرير متحرك ويدخله .
آيا تمسح دموعها : وش هذا اكيرا
اكيرا : صدقتي اني بروح .
آيا : شلون
اكيرا : رحت آخذ اذن اني اصير مرافق . والصراحة غرفتك كبيره عشان كذا جبت معي سرير عشان انوم عليه .
آيا تبتسم : صادق
اكيرا : يعني كل هالسرير ولا صدقتي
آيا : ههه بس ما توقعت . انك كنت تمزح معي
اكيرا : اسمعي انا خلاص قاضي قازي ابي انوم . عشان كذا لا تزعجيني
ويسلقي اكيرا على السرير ويحط يده على عيونه .
اكيرا : تبين تحكين . قولي لي . قولي همومك وبصير سامعك .
آيا تلتفت عليه متعجبه .
اكيرا : بأسمعك حتى النهاية .
آيا : وش تبيني اقول . انا عندي كلام ما ينتهي . كلامي ماله نهاية .
اكيرا : قولي للي تقدرين
آيا : احكي من أي جانت . ووش اقول
اكيرا : قولي اللي في خاطرك .
آيا : في خاطري . اشياء كثيرة آآآآآه لما افكر اني بأنتهي من هالثنوي والكل اللي في عمري لقولهم ارفقاء . وانا بس اتفرج عليهم تجي
في قلبي ضيقة . واقول ليش انا منب مثلهم ليش انا مكروهة من الجانب الولادي . يمكن لان شخصيتي ولادية . طيب انا ما كنت كذا من قبل
انا كنت بنوته . لكن . لكن . حالتي الحين تختلف عن قبل . فيه اشياء كثيرة حصلت في سنوات قليلة . انا احسني الحين ابغى امل
صحيح ان يونا مثلي ملها رفيق . بس هي كان لها رفيق سابق لكنـ انا .
وتنزل الدموع على خد آيا . وآكيرا معطيها ظهره ويسمعها
آيا : انا وش هاكلام اللي قاعدة اقوله آسفه اكيرا يمكن قلت كلام من قبل ما قد سمعته مني .
اكيرا : هذا الحد اللي تقدرين توصلين له
آيا : انا ما اقدر اتحمل لما اتكلم فتنزل الدموع ما ادري عنها .
اكيرا : هذي السنه انتهت
آيا : لا تونا في بدايتها
اكيرا : اجل فيه امل .
ويلتفت عليها .
اكيرا : شوفي قدامك . بتشوفين نور بسيط . تعرفين وش هذا النور
آيا : لا لكنـ . هذا النور ضعيف
اكيرا : هذا النور نورالامل وانتي اللي تقدرين تخلينه قوي وينتصر على الظلمة اللي فيك .
خلي الامل شعارك وراح تنتصرين على الظلمة .

آيا تشوف اكيرا بدهشة : اكيرا
اكيرا : نعم
آيا : ممكن اسألك سؤال
اكيرا : قولي
آيا : انت . انت ليش مالك . رفيقة
اكيرا : هاه . انا ما ابي
آيا : لكن . شيء غريب كل واحد . لازم يكون عنده رفيقة . طيب متى بيصير لك رفيقة
اكيرا ما يدري وش يقول : انـا . انا بيصير لي رفيقة اكيد . لكنـ مو في الوقت الحالي .
آيا : اهــــا .
ويلتفت اكيرا مع الجهة الثانية.
اكيرا : انا بأنوم اوكي . لا تزعجيني
آيا في نفسها : اكيرا . انت شخص غامض وشو اللي مخبيه
آيا تلتفت وتشوف جوال اكيرا على الارض . تنزل من السرير وتشيله .
آيا : اكيرا جوالك طايح هنا . اكيرا
وتروح تقرب من عنده . تطل في وجهه وتلقاه نايم .
آيا : يوه يا سرع ما نام .
وتاخذ الحاف من سريرها وتلحفة . وصلت عند وجهه . وصارت تشوفة .
آيا في نفسها : ياه صاير كأنه طفل صغير وهو نايم . اكيرا توني ادري انك حنون شكرا لك . احس بشوية راحة .
وترجع لسريرها وتستلقي عليه .

انا لا أثق بأحد (( الفصل الثالث – الجزء 2 ))

وبعد 3ساعات صوت المنبه يرن
اكيرا يمد يده يقفل المنبه يفتح عين ويشوف الدريشة : الدنيا نهار
يشوف الساعة في الجوال . يضرب بيده على جبهته : يوووووه الساعة 6 يا ويليي
تحركت آيا من صوته
اكيرا حط يده على فمه و نزل من السرير و طلع بهدوء من الغرفة .
صحت آيا من النوم شافت سرير اكيرا فاظي نزلت عيونها للساعه شافتها 6:05
آيا كأنها تذكرت شيء : يوووه . اليوم مدرسة و اكيرا يداوم ياربي ياليتني ذكرت امس كان خليته يروح لبيته . ان شاء الله ماتأخر
اكيرا المسكين يدخل للبيت يركض للدرج يرقى درجتين درجتين من العجله يدخل غرفته ويغير ملابسه وياخذ الملخصات من مكتبه ويحطها في الشنطه . نزل تحت و للمطبخ على طول اخذ له توسته و دهنها بجبنه و طلع بسرعه بياكلها في الطريق .
اكيرا وهو يركض : يا الله . وش بسوي مع هالتأخييييير .
ويدخل المدرسة الأسياب هدوء لما ماشاف احد عرف ان الناس بدأت حصصهم
توجه لفصله شاف استاذ الرياضيات يشرح عرف ان اليوم ماراح يعدي على خير طق الباب
ودخل : صباح الخير .
المعلم بوجه عابس: اي صباح اللي تتكلم عنه الا قل مساء الخير .
اكيرا ساكت و منزل راسه للأرض
الاستاذ : ممكن تتفضل و تطلع برا ضيعت الحصه
اكيرا : انا كنت في الـ
ماخلاه الاستاذ يكمل
الاستاذ : لو سمحت اطلع برا ما ابيك تحضر الحصة .
اكيرا بأسف : آسف دخلني الحين و اوعدك تكون هذي آخر مره
المعلم حمقان : ماراح تدخل عشان تعرف مره ثانية ما تتأخر
اكيرا بدون اي جدال طلع من الفصل
اكيرا بضيقه : آآه كأني ناقص .ياربي وش اسوي الحين
جلس على كرسي جنبه و حط يده على راسه سمع المعلم يهزء في الفصل اللي جنبهم ( فصله السابق )
اكيرا : مير من زمان عن فصلي الاول بروح اشوف وش احوالهم
وقف وراح للفصل لما وصل عند الباب طل من الدريشة شاف سوما واقف على الجدار ورافع رجل .
اكيرا بضحكه خفيفه: هههههه و الله انك تحفه ياسوما من زمان ما شفتك واقف كذا . هه هه اللي يشوفني الحين ما كأني مطرود من الفصل .
بعدها رجع قعد على الكرسي وجلس يفكر .

اكيرا في نفسة : ما كأنه صدق . كأنه حلم . فيه ناس كثير تعاني . مو انا بس صار الشخص اللي ابدا ما توقعت انه يكون بهالحزن مهموم وحزين انا صح مكتوم . لكنـ انا لما اطلع من اللي انا فيه يمكن اصير طبيعي . لكن هي . مفتوح لها ولا قدرت . في حياتي ما قد قابلت شخص مثلها . الحين بس عرفت شلون هي قوية .
المعلم يطلع من الفصل ينادي: اكيرااا
اكيرا لازال يفكر لاحياة لمن تنادي
المعلم يقرب من عنده : هي انت كأن الجلسة برا جازت لك .
اكيرا توه ينتبه للمعلم: هاه . لا لا من قاله
المعلم بتعصيبه : ساعه اناديك يالله قدامي ادخل الفصل
اكيرا : آسف يا استاذ و دخل الفصل
في المستشفى :.
آيا تكلم في الجوال : والله يا ماما انا طيبة خلاص ابي اطلع من هالمستشفى
الام : لازم ترتاحين
آيا : طيب متى بتجون . انا مليت
الام : خلاص الزيارة من الساعة 12 يمكن نجي 1
آيا : آآه الوقت طويييل . تونا الساعة 7 .
الام : نومي لين نجي .
آيا : مليت من النوم مايكفي نمت يومين متواصله
الأم راحمه بنتها : طيب ياماما اش اسوي هذا وقت الزياره ولا لو علي جيتك الحين .
آيا بضيقه : الله يخليك لي
الأم : يالله حبيبتي ارتاحي الحين
توها بتسكر
ايا تذكرت حاجه : لحظه ماما
الأم : هلا
آيا : ابيك تحطين لي ملابس في شنطه وتحطينها عند الشجره عشان يونا تجيبها لي لما تطلع من المدرسة
الام : انتي قلتيلها
آيا : لا بقولها
الأم :طيب يالله مع السلامة .
آيا : مع السلامة
وتسكر آيا السماعة .
آيا وهي تتمغط: وااااااه ما فيني نوم توني قايمة . يا ربي وش اسوي
اخذت جوالها و فتحت على لعبه و بدأت تلعب
و ياسرع ما مر الوقت
في المدرسة :.
صفرت الحصه الأخيره و الكل طلع رايحين لبيوتهم بس قبل لايتفرقون تكلم الكيرا : هاه خلاص نزورها الساعة4
توما : لا وش الساعة 4 . نروح لها الحين ثم عقب الزياره نروح ننوم القيلوله وش رايكم
يونا : طيب . خلينا نروح الحين للبيت لمدة ساعة نسوي شيء تاكله على الغدا واحنا نتغدا عندها وش رايكم
راي : حلو رأي يونا . منها نريح شوي ومنها نجيب شيء معنا .
سوما : حلو وانا موافق .
اكيرا : اوكي خلاص يله كل واحد على بيته . ترى احتمال اتأخر في الجية . اوكي
الكل: اوكي على راحتك .
تفرقو و لما كان اكيرا يمشي في الطريق . رن الجوال
طلعه من جيبه شافه رقم غريب رد
اكيرا : الوه
آيا : الوه هلا
اكيرا عرفها من صوتها : هلا فيك
آيا : كيفك وش اخبارك
اكيرا : تمام انتي كيف صحتك ؟
آيا : بخير الحمد الله ما ناقصني الا شوفت صديقاتي
اكيرا بضحكه: ههه حلوة اجل خلاص بنجيك نزور تجهزي
آيا : و الله بتجون تزوروني

اكيرا مبتسم : ايه و الله اتفقنا نجيك بعد ساعة ونتغدا عندك بعد
آيا بتطير من الوناسه : واو فكره حلوه من فكر فيها. ياي وناسه
اكيرا : يونا .و حتى من الحماس راحت مستعجله لبيتها بتسوي غدا
آيا تفكر في كلامه يعني مافيه امل تقول ليونا تجيب شنطتها لانها اكيد مشغوله
اكيرا : الو آيا و ين رحتي
آيا ترجع من سرحانها : هلا معك اجل قلتلي فكره يونا يالبا قلبها
اكيرا و هو يضحك عليها : تبين شيء ثاني
آيا بتفكير: اممم اكيرا انت فاضي .
اكيرا : ايه فاضي تبين شيء .
ايا : فيه شنطه عند ولا اقولك خلاص خلاص مو لازم
اكيرا تحمس: قولي وش عندك عادي انا ما عندي لا شغل ولا مشغله
ايا بإحراج: طيب تقدر تجيب لي شنطتي تلقاها عند شجرتنا اللي قدام البيت .
اكيرا : هاه . وش فيها
ايا : وانت وش دخلك وش فيها . اذا كنت تقدر تجيبها جبها .
اكيرا يبعد السماعه عن اذنه: طيب طيب. مع السلامة
ايا : شكرا . مع السلامة .
سكر اكيرا من آيا و غير اتجاهه لبيت آيا وصل لبيتهم ولقى الشنطة واخذها و راح للمستشفى توجه لغرفتها وطق الباب
آيا : تفضل
دخل اكيرا و سلم عليها و بعدين مد لها الشنطه واعطاها الشنطه .
ايا و تاخذها منه: شكرا اكيرا . واسفة اني اطلب منك هالشيء تعبتك
اكيرا : العفوا.ماتعبيني ولا شي يله انا بروح . تآمريني على شيء
آيا : ولا شيء . شكرا . بس توك جاي اقعد ريح .
اكيرا : لا بروح البيت اتروش احس قرفان من نفسي راح اجي مع الكل على الغدا
آيا تمسك يده : اقعد بس خلنا نسولف لاحق على الترويشه
رضخ اكيرا لطلبها وقعد .
اكيرا: هذا انا جلست . الحين ارتحتي
آيا : مو انا اللي ارتاح انت اللي ترتاح .
اكيرا يبتسم : طيب . فهمنا وش عندك من السواليف
آيا : اكيرا . منهو اعز اصدقاءك . يعني اللي في شلتك
اكيرا : ليه
آيا : ابي اعرف . بس
اكيرا يناظرها : طيب انتي مين تتوقعين .
آيا تحط يدها على ذقنها بتفكير: امممم احس انه . توما . صح
اكيرا مبتسم: ايه صح بس وش معنى اخترتي توما

آيا : لأن معاملتك معه غير الباقي
اكيرا بدهشه : والله
آيا بابتسامه: ايه و الله .
اكيرا يهز راسه علامة الفهم
آيا : طيب قول لي ليه هو الاعز
اكيرا يرجع ظهره للكرسي : يمكن لانه اول صديق . وبعد صديق طفولة .
آيا بدهشه: والله توما اول صديق . وبعد صديق طفولة ؟!
اكيرا مبتسم : ايه ليش شيء غريب هو ؟!
آيا بإحراج :لا اقصد يعني كيف التقيت به وكيف صادقته .
اكيرا بتفكير: امممم يوه هذي السالفة مرة قديمة .
آيا بفضول : بس ودي اعرفها .
اكيرا اتسعت ابتسامته: طيب .اسمعي هذا يوم كان عمري 9 سنوات . كنت اتمشى انا واخوي في المدينة . ومرينا على حديقة قال اخوي : اجلس هنا بروح اجيب لنا شيء يبرد علينا و برجع .
هزيت راسي بالموافقه و جلست انتظره بعد شوي شفت اولاد يتضاربون مع ولد وهذا الولد هو توما .
آيا : الله كأنك تتكلم عن دراما
اكيرا يناظرها بطرف عين: خير كنك تستهزين بكلامي
آيا تأشر بيدينها : لا لا والله بس هذا من الانسجام مع القصة .
وقف اكيرا وراح لعند الدريشة و كمل كلامه.
اكيرا : فزعت معه ورحت وضربت واحد من الاولاد بقوه وعلى طول راحو شكرني توما على المساعدة . ومد يده يسلم علي مديت له يدي . قال : انا اسمي توما . وانت رديت عليه وقلت اسمي رد علي بابتسامه . انت احسن واحد لانك تساعد الناس مع انك ما تعرفهم وراح قعدت افكر في كلامه واسلوبه . انا اللي علموني اياها اهلي . ان الناس اللي اقل مننا طبقة . ناس اسلوبهم قذر وما يحترمون احد وقالو عنهم الشيء اللي ما شفته في توما بس قلت يمكنه في طبقتي بغيت اتعرف عليه . ورحت ولحقته . التفت علي وسألته . انت في أي مدرسة . رد علي وقال مدرسته . وصارت مدرسته لاهي اللي خاصة ولا شيء . قررت اني اترك مدرستي الخاصة . وادخل المدرسة اللي فيها توما رحت لأمي وحكيت لها عن اللي صار وقلت لها عن قراري . بس ردت علي بالرفض . لان ابوي مستحيل يدخلني مدرسه عامة . ترجيت امي وحاولت تقنع ابوي . ابوي شرط علي ان كل اللي في المدرسة ما احكيلهم عن طبقتي . ودتني امي لمدرسته وجلسوني جنب توما . تصادقت انا وياها ودخلنا سوا للمتوسط وبعد الثانوي
آيا بحالميه : اللـــــــــــــــــه القصة مره حلوه صداقتكم فيها الوفاء . يمكن يكونون الاولاد اوفى من البنات في الصداقة .
اكيرا يلتفت عليها: آيا . انتي في الاونة الاخيرة متغيرة شخصيتك مره ما كأنك ذيك البنت الاولى . وصرتي حساسه ما تتحملين صرتي تصيحين بكثرة ليه ما ترجعين لشخصيتك الاولى
آيا بدأت تخنقها العبرة لفت وجهها عنه و قالت : ووش سوت لي شخصيتي الاولى هذي انا لا لي رفيق والكل يتخلى عني انا بشخصيتي صرت عار لغيري .
اكيرا طارت عيونه : ومنهو هذا اللي صرتي عليه عار

آيا تتحجر في عيونها الدموع : انا كان لي صديقة عمر حبيتها من قلبي . درست معها الابتدائي وبعد المتوسط . لكن في ثالث متوسط تخلت عني . ويا ليتها تخلت عني بهدوء لكن قالت لي اقوى كلمة وجرحتني . وعشان ايش لقت لها رفيق . ولا تقول انتي ما قد حسيت انك بنت كأنك ولد بحركاتك وتصرفاتك انا اصلاً ما قد حبيتك . لا انا اكرهك . و ما شفتها بعد ذاك اليوم . بعدها كرهت نفسي وكرهت الدنيا بكبرها هي سافرت لكيوتو .ولا حتى اتصلت و تبيني اقعد على ذيك الشخصية . خلاص انا فاض بي الكيل . الكل من حولي يتخلى عني عارفه بتقول يونا يونا صديقتي في الثانوي ما تدري عن أي شيء حصل لي في المتوسط . يونا ما تقصر معي . لكن هي كانت احسن منها خوفي يجي لي يوم وتتخلى عني يونا احاول كل يوم اكسب وارضي يونا اكثر منها بس انتهت علاقتي بها من سنتين صحيح ما نسيتها لكن الحين يونا تحل مكانها .
واكيرا يشوفها وهي تصيح
آيا و هي تحاول تمسح دموعها : انا خلاص ما اثق في أي احد حتى لو جلس معي طول عمري . انا خلاص تعقدت
آيا مسكت راسها و تهزه يمين و يسار : ابي انساها وانسى كلامها لكن كل يوم يدور كلامها في راسي . انا خلاص ما اثق في احد ما اثق في احد .
اكيرا يقرب من عندها وجلس على السرير وصار يمسح دموعها بيده
اكيرا بهدوء : في هذا العالم الخائن والوفي بس مو اذا خانك شخص وتخلى عنك تعميمن هالشي على الجميع و تقولين ان الكل بيتخلى عنك . بالعكس فيه امثالك انتي شوفي نفسك . ما خنتيها و لازلتي تتذكرينها مع انها خانتك . وذكرتي محاسنها بعد يمكن هي الحين نادمة على كل كلمة قالتها لك .
ويمكن بعد كرهت الدنيا بعدك . انتي ما تدرين عنها بس لازم انك تثقين بالناس . حتى لو صدمك واحد هذا ما يعني ان الكل مثله . انا اثق في توما واثق في سوما و في مورا .و كمان واثق فيك . واحنا بعد يمكن نخطي . لكن لازم نصحح خطأنا .
آيا بدأت تهدأ: اكيرا . احس اذا سمعت كلامك ارتاح
اكيرا ابتسم لها
آيا : طيب انت ما عندك هم
اكيرا : محد في الحياة ماعنده هموم
آيا : قول لي همك .راح اسمعك بأذان صاغيه
آيا في نفسها : على الأقل ارد لك المعروف .
اكيرا قام من سريرها : يمكن تفهميني او ما تفهميني